MBK7amam
MBK7amam
MBK7amam
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدي يتكلم عن تربية الحيوانات والطيور خاصة الحمام الغيه
 
الرئيسيةالرئيسية  البوابةالبوابة  أحدث الصورأحدث الصور  التسجيلالتسجيل  دخولدخول  

 

 يوميات شاب عاطل؟

اذهب الى الأسفل 
كاتب الموضوعرسالة
ormila
نائبة الكبير ومديرة المنتدي
ormila


المساهمات : 88
تاريخ التسجيل : 10/08/2009
العمر : 33

يوميات شاب عاطل؟ Empty
مُساهمةموضوع: يوميات شاب عاطل؟   يوميات شاب عاطل؟ Icon_minitime1الإثنين أغسطس 17, 2009 8:15 am

كلنا بنسمع عن مشكلة البطالة فى مصر ومفيش بيت تقريبا فى مصر الا وعنده شاب عاطل(على فكرة انا بتكلم عن الشعب بتاعنا مش الناس اللى بنشوفها على الدش فى القهوة ) المهم انا فكرت ازاى يكون يوم العاطل ومن هنا لاقيت شخصية ممكن نتكلم عنها شاب زى الفل معاه بكالويوس تجارة بتقدير مقبول واسمه محروس ونشوف ازاى اخينا ده عايش يومه .


قوم بقى يا محروس المغرب اذن انت هتفضل نايم لحد امتى (ده كلام خالتك سعدية ام محروس)
يووووووووووه هو الواحد ميعرفشى ينام شوية فى البيت ده. تعبان يا ناس نايم وش الفجر (طبعا ده محروس بيه)
وبعدين بعد شد وجذب بين محروس وامه خالة سعدية يقوم المحروس من العين محروس عشان ياخد دش وياكل لقمة ويلحق يروح يقعد على القهوة اللى فى اول الشارع.
مش عارف البنات هيفضلوا يضيقوا فى البناطيل بتاعتهم دى لحد امتى (ده عباس صديق محروس على القهوه لما شاف مديحة بنت الاستاذ راضى مدرس التاريخ)
سيبهم ياعم خليهم يلبسوا المحذق والملذق خلينا نتفرج يعنى لا هيبقى جواز ولا حتى فرجة (ده بقى سعيد جار محروس وصديقه الانتيم)
احلوا احلوا شوفوا بقى مين اللى هيجوزكم ( رد محروس)
المهم والرجالة محروس وسعيد وعباس قاعدين على القهوة يتفرجوا على اللى رايحة واللى جاية سمعوا الاستاذ عبد الباسط الموظف فى الحكومة بيتكلم مع الاستاذ محمدى الموظف فى الحكومة بردو
يا اخى التليفزيون والجرايد ملهاش سيرة الا عن 30% اللى قال عليهم الريس فى عيد العمال (ده الاستاذ محمدى)
سيب ياعم الشعب يهيص شوية ربنا يخلى الريس للناس الغلابة (رد عليه الاستاذ عبد الباسط)
بس تفتكر الحكومة هيجيب الفلوس دى منين انا سمعت يا محمدى ياخويا ان العلاوه دى هتتكلف مليارات والدولة بتاعتنا يادوب على قد حالها.
رد محمدى: اكيد هيخصخصوا ويبيعوا شوية حاجات.
عبد الباسط: هو لسه فيه حاجة لسه متباعتشى؟
محمدى: طيب هيجيبوا الفلوس دى منين
وبعدين سكتوا الاتنين وبصوا لبعض شوية وكان تفكيرهم فى حاجة واحدة وهى
اكيد هيغلوا الكهربا والتليفون والنظافة وينزلوا الضرايب العقارية على الشقق.
وبعدين قالوا فى صوت واحد يعنى اللى هناخدوا باليمين هندفعوا بالشمال وسلملى على العلاوه و30%
بعدها بص سعيد لمحروس وقاله: ياترى هيجى اليوم وناخد احنا كمان علاوة
رد عليه محروس: مش لما نعرف يعنى ايه علاوه الاول !!!!!!!!!!!!!!!!
وبكرة نكمل مع محروس
الرجوع الى أعلى الصفحة اذهب الى الأسفل
 
يوميات شاب عاطل؟
الرجوع الى أعلى الصفحة 
صفحة 1 من اصل 1
 مواضيع مماثلة
-
» يوميات عمر وساره
» يوميات صعيدى بيحب بنت ستايل

صلاحيات هذا المنتدى:لاتستطيع الرد على المواضيع في هذا المنتدى
MBK7amam :: المنتديات العامه M B K :: القصص والحكايات M B K-
انتقل الى: