MBK7amam


منتدي يتكلم عن تربية الحيوانات والطيور خاصة الحمام الغيه
 
الرئيسيةالرئيسية  البوابةالبوابة  اليوميةاليومية  س .و .جس .و .ج  بحـثبحـث  قائمة الاعضاءقائمة الاعضاء  المجموعاتالمجموعات  التسجيلالتسجيل  دخولدخول  

شاطر | 
 

 نداء مسحراتى!!!!!!!!!!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ormila
نائبة الكبير ومديرة المنتدي


عدد المساهمات : 88
تاريخ التسجيل : 10/08/2009
العمر : 26

مُساهمةموضوع: نداء مسحراتى!!!!!!!!!!   الجمعة أغسطس 21, 2009 12:36 pm

أصحى يا نايم ..
وحد الدايم ..
وقول نويت ..
بكره ان حييت..
الشهر صايم ..
والفجر قايم ..
اصحى يا نايم ..
وحد الرازق ..

رمضاااااااااااااااااااااااان كريم


كل سنه وانتم طيبين وبخير وصحه



فى ناس كتير بتسيب الدنيا واجلها بيجى
قبل رمضان بيوم او اتنين او حتى بساعه
والنهارده فاضل ايام علي الشهر الكريم يعنى وصولنا
لرمضان فى حد ذاته نعمه بننسى نشكر عليها ربنا ..


انما قولي ايه خطتك في رمضان ؟ وهتقضي رمضان ازاي ؟


ياتري هتقول كده


-اهو شهر هنصومه بالطول ولا بالعرض وهيعدى وخلاص ؟
انما سيبك انتى احلي حاجه فى رمضان الاكل ..
يااااااه على المحاشى والمحمر والمشمر والسفره
اللى ما تشوفش اولها من اخرها ...
ولا المسلسلات بئا السنه دى جامده اخر حاجه يعنى هنقضيها .





استني .. استني ..
انا ماليش فى الكلام ده خالص ..



ليه بس ؟؟؟
أما انك صحيح مالكش فى الطيب ما بلااش نكد بقي
وفرفش كده ...






يا ترى رمضان هتقضيه كده اصل الكلام ده
مش جايبه من عندى .. ده من اللى بسمعه
طيب هقولك على حاجه
تخيل ان رمضان ده هو اخر شهر فى حياتك كلهاا
مش اخر رمضان فى حياتك لا ده اخر شهر فى حياتك
وانك هتطلع من رمضان ده هتروح تقابل ربك
لو الكلام ده بجد .....
هل ممكن تعمل الكلام اللى فوق ده ؟؟؟!!!


أمال هتعمل ايه ؟؟؟




احنا معاك وهنسعدك
هنبقى صحبة الخير ليك
اللى تشجعك و تحمسك وتفكرك كل ما تنسا
هنمشى معاك يوم بيوم
من اول يوم لاخر يوم فى رمضان لو ربنا ادانا عمر
هنساعدك يكون رمضان السنه دى غير كل سنه
يعنى ربنا مدينا فرصه حقيقيه ازاى نضيعها ؟؟
يعنى اللى كان متعود يختم القراءن مره
السنه دى يختمه مره واتنين وتلاته ..
لان ممكن تكون اخر مره يختمه ..
واللى كان بيصلى التروايح يوم اه ويوم لاء
يصلى السنه دى كل يوم ويختم ختمه فى الجامع فى التراويح
لان ممكن تكون اخر مره يصلى ..
واللى كان بيقوم الليل يوم 27 رمضان بس
يقوم الليل طول الشهر ...




كمان هنقولك على مواعيد البرامج الدينيه
هنفكرك كل يوم بحاجه جديده لازم تفتكر
تعملها .. هنقول على دعاء كل يوم نقوله مع بعض

قبل الفطار
..هنقول على السلوكيات وحاجات اللى بنشوفها فى رمضان
ومش عايزين نشوفها .. وازاى نحاول اننا نبعد عنها
زى العصبيه .. الاغانى .. المسلسلات التافهه ..وحاجات كتيير




وده هيكون دور المسحراتى




هنخلى ربنا يشهد علينا أنه احنا صحبة خير
وان احنا فى رمضان السنه دى كنا بنساعد بعض
علي ا لخير مش علي الشر ...
كلنا السنه دى محتاجين اننا نشجع بعض وندعى لبعض ..
وده اللى هنعمله هنا
خلى مصحفك دايمن معاك
وده مصحفك وانت على الكمبيوتر



المصحف الشريف





كانه مصحف من اللي موجودين في البيت بالظبط

كل اللي عليك انك تسحب الصفحه بالماوس وتقرأ

وادعيلي








خليك معانا

وخليك مستعد لو تقدر تساعدنا

يارب الفكره تعجبكم ...... ونستفيد كلنا

لعل وعسى نعتق من النار معا


.............. انتظرو المسحراتى ابتداء من اول يوم رمضان ..........

_________________
جذابه لحد الاذابه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
نداء مسحراتى!!!!!!!!!!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
MBK7amam :: المنتديات الاسلاميه M B K :: الخيمه الرمضانيه M B K-
انتقل الى: